ممبئی میں زیرتعمیرعمارت میں آگ لگنے سے 6 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی ریاست مہارا شٹرا کے دارالحکومت ممبئی میں زیرتعمیرعمارت میں آگ لگنے سے 6 افراد ہلاک ہوگئے ہیں۔ ذرائع ابلاغ نے پولیس کے حوالے سے کہا ہےکہ آگ گیس سلنڈرپھٹنے کے باعث لگی اور یہ واقعہ جولو نامی علاقے کی زیرتعمیر عمارت میں پیش آیا، جھلسنے والے 11 افراد کو قریبی اسپتال میں داخل کروادیا گیا ہے جن میں سے 8 افراد کی حالت نازک بتائی جا رہی ہے۔ پولیس کے مطابق آگ 13منزلہ عمارت کے گراؤنڈ فلور پرلگی جس کی اصل وجوہ کا تعین کرنے کے لیے تحقیقات جاری ہیں۔